Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 90-1} kaṇṭēṉ niṉ māyam kaḷavu ātal poy nakā
• {KALI 90-2} maṇṭāta colli toṭāal toṭīiya niṉ
• {KALI 90-3} peṇṭir uḷar maṉ ō īṅku
• {KALI 90-4} oḷ toṭi nī kaṇṭatu evaṉā tavaṟu
• {KALI 90-5} kaṇṭatu nōy um vaṭu um karantu makiḻ cerukki
• {KALI 90-6} pāṭu peyal niṉṟa pāṉāḷ iravil
• {KALI 90-7} toṭi poli tōḷ um mulai um katuppu um
• {KALI 90-8} vaṭivu ār kuḻai um iḻai um poṟai ā
• {KALI 90-9} oṭivatu pōlum nucuppōṭu aṭi taḷarā
• {KALI 90-10} ārā kavaviṉ orutti vantu alkal taṉ
• {KALI 90-11} cīr ār ñekiḻam cilampa civantu niṉ
• {KALI 90-12} pōr ār katavam mitittatu amaiyum ō
• {KALI 90-13} āy iḻai ārkkum oli kēḷā a etir
• {KALI 90-14} tāḻātu eḻuntu nī ceṉṟatu amaiyum ō
• {KALI 90-15} māṟāḷ ciṉaii avaḷ āṅku ē niṉ mārpil
• {KALI 90-16} nāṟu iṇar paim tār parintatu amaiyum ō
• {KALI 90-17} tēṟu nī tīyēṉ alēṉ eṉṟu maṟṟu avaḷ
• {KALI 90-18} cīṟu aṭi tōyā iṟuttatu amaiyum ō
• {KALI 90-19} kūṟu iṉi kāyēm ō yām
• {KALI 90-20} tēṟiṉ piṟa um tavaṟu ilēṉ yāṉ
• {KALI 90-21} alkal kaṉavu kol nī kaṇṭatu
• {KALI 90-22} kaṉai peyal taṇ tuḷi vīcum poḻutil kuṟi vantāḷ
• {KALI 90-23} kaṇṭa kaṉavu eṉa kāṇātu māṟu uṟṟu
• {KALI 90-24} paṇṭaiya alla niṉ poy cūḷ niṉakku ellā
• {KALI 90-25} niṉṟāy niṉ pukkil pala
• {KALI 90-26} mel tōḷāy nalku niṉ nal eḻil uṇku
• {KALI 90-27} ēṭā kuṟai uṟṟu nī em uraiyal niṉ tīmai
• {KALI 90-28} poṟai āṟṟēm eṉṟal peṟutum ō yāḻa
• {KALI 90-29} niṟai āṟṟā neñcu uṭaiyēm